sutta » an » an3 » Aṅguttara Nikāya 3.41

Sammukhībhāvasutta

Present

“Tiṇṇaṁ, bhikkhave, sammukhībhāvā saddho kulaputto bahuṁ puññaṁ pasavati.
“Mendicants, when three things are present, a faithful gentleman creates much merit.

Katamesaṁ tiṇṇaṁ?
What three?

Saddhāya, bhikkhave, sammukhībhāvā saddho kulaputto bahuṁ puññaṁ pasavati.
When faith is present,

Deyyadhammassa, bhikkhave, sammukhībhāvā saddho kulaputto bahuṁ puññaṁ pasavati.
when a gift to give is present,

Dakkhiṇeyyānaṁ, bhikkhave, sammukhībhāvā saddho kulaputto bahuṁ puññaṁ pasavati.
and when those worthy of a religious donation are present.

Imesaṁ kho, bhikkhave, tiṇṇaṁ sammukhībhāvā saddho kulaputto bahuṁ puññaṁ pasavatī”ti.
When these three things are present, a faithful gentleman creates much merit.”

Paṭhamaṁ.