sutta » an » an3 » Aṅguttara Nikāya 3.120

Paṭhamasoceyyasutta

Purity (1st)

“Tīṇimāni, bhikkhave, soceyyāni.
“Mendicants, there are these three kinds of purity.

Katamāni tīṇi?
What three?

Kāyasoceyyaṁ, vacīsoceyyaṁ, manosoceyyaṁ.
Purity of body, speech, and mind.

Katamañca, bhikkhave, kāyasoceyyaṁ?
And what is purity of body?

Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti.
It’s when someone doesn’t kill living creatures, steal, or commit sexual misconduct.

Idaṁ vuccati, bhikkhave, kāyasoceyyaṁ.
This is called ‘purity of body’.

Katamañca, bhikkhave, vacīsoceyyaṁ?
And what is purity of speech?

Idha, bhikkhave, ekacco musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti.
It’s when someone doesn’t use speech that’s false, divisive, harsh, or nonsensical.

Idaṁ vuccati, bhikkhave, vacīsoceyyaṁ.
This is called ‘purity of speech’.

Katamañca, bhikkhave, manosoceyyaṁ?
And what is purity of mind?

Idha, bhikkhave, ekacco anabhijjhālu hoti abyāpannacitto sammādiṭṭhiko.
It’s when someone is content, kind-hearted, and has right view.

Idaṁ vuccati, bhikkhave, manosoceyyaṁ.
This is called ‘purity of mind’.

Imāni kho, bhikkhave, tīṇi soceyyānī”ti.
These are the three kinds of purity.”

Aṭṭhamaṁ.