sutta » an » an4 » Aṅguttara Nikāya 4.59

Bhojanasutta

Food

“Bhojanaṁ, bhikkhave, dadamāno dāyako paṭiggāhakānaṁ cattāri ṭhānāni deti.
“Mendicants, when a donor gives food, they give the recipients four things.

Katamāni cattāri?
What four?

Āyuṁ deti, vaṇṇaṁ deti, sukhaṁ deti, balaṁ deti.
Long life, beauty, happiness, and strength. …”

Āyuṁ kho pana datvā āyussa bhāgī hoti dibbassa vā mānusassa vā.

Vaṇṇaṁ datvā … sukhaṁ datvā … balaṁ datvā balassa bhāgī hoti dibbassa vā mānusassa vā.

Bhojanaṁ, bhikkhave, dadamāno dāyako paṭiggāhakānaṁ imāni cattāri ṭhānāni detīti.

Yo saññatānaṁ paradattabhojinaṁ,

Kālena sakkacca dadāti bhojanaṁ;

Cattāri ṭhānāni anuppavecchati,

Āyuñca vaṇṇañca sukhaṁ balañca.

So āyudāyī vaṇṇadāyī,

sukhaṁ balaṁ dado naro;

Dīghāyu yasavā hoti,

yattha yatthūpapajjatī”ti.

Navamaṁ.