sutta » an » an4 » Aṅguttara Nikāya 4.83

Avaṇṇārahasutta

Where Criticism Takes You

“Catūhi, bhikkhave, dhammehi samannāgato yathābhataṁ nikkhitto evaṁ niraye.
“Mendicants, someone with four qualities is cast down to hell.

Katamehi catūhi?
What four?

Ananuvicca apariyogāhetvā avaṇṇārahassa vaṇṇaṁ bhāsati,
Without examining or scrutinizing, they praise those deserving of criticism,

ananuvicca apariyogāhetvā vaṇṇārahassa avaṇṇaṁ bhāsati,
and they criticize those deserving of praise.

ananuvicca apariyogāhetvā appasādanīye ṭhāne pasādaṁ upadaṁseti, ananuvicca apariyogāhetvā pasādanīye ṭhāne appasādaṁ upadaṁseti—
They arouse faith in things that are dubious, and they don’t arouse faith in things that are inspiring.

imehi kho, bhikkhave, catūhi dhammehi samannāgato yathābhataṁ nikkhitto evaṁ niraye.
Someone with these four qualities is cast down to hell.

Catūhi, bhikkhave, dhammehi samannāgato yathābhataṁ nikkhitto evaṁ sagge.
Someone with four qualities is raised up to heaven.

Katamehi catūhi?
What four?

Anuvicca pariyogāhetvā avaṇṇārahassa avaṇṇaṁ bhāsati,
After examining and scrutinizing, they criticize those deserving of criticism,

anuvicca pariyogāhetvā vaṇṇārahassa vaṇṇaṁ bhāsati,
and they praise those deserving of praise.

anuvicca pariyogāhetvā appasādanīye ṭhāne appasādaṁ upadaṁseti
They don’t arouse faith in things that are dubious,

anuvicca pariyogāhetvā pasādanīye ṭhāne pasādaṁ upadaṁseti—
and they do arouse faith in things that are inspiring.

imehi kho, bhikkhave, catūhi dhammehi samannāgato yathābhataṁ nikkhitto evaṁ sagge”ti.
Someone with these four qualities is raised up to heaven.”

Tatiyaṁ.