Aṅguttara Nikāya 4.130
Translators: sujato
Numbered Discourses 4.130
13. Bhayavagga
13. Fears
Cakkavattiacchariyasutta
Incredible Things About the Wheel-Turning Monarch
“Cattārome, bhikkhave, acchariyā abbhutā dhammā raññe cakkavattimhi.
“Mendicants, there are these four incredible and amazing things about a wheel-turning monarch.
Katame cattāro?
What four?
Sace, bhikkhave, khattiyaparisā rājānaṁ cakkavattiṁ dassanāya upasaṅkamati, dassanenapi sā attamanā hoti.
If an assembly of aristocrats goes to see a wheel-turning monarch, they’re uplifted by seeing him
Tatra ce rājā cakkavattī bhāsati, bhāsitenapi sā attamanā hoti.
and uplifted by hearing him speak.
Atittāva, bhikkhave, khattiyaparisā hoti, atha rājā cakkavattī tuṇhī bhavati.
And when he falls silent, they’ve never had enough.
Sace, bhikkhave, brāhmaṇaparisā rājānaṁ cakkavattiṁ dassanāya upasaṅkamati, dassanenapi sā attamanā hoti.
If an assembly of brahmins …
Tatra ce rājā cakkavattī bhāsati, bhāsitenapi sā attamanā hoti.
Atittāva, bhikkhave, brāhmaṇaparisā hoti, atha rājā cakkavattī tuṇhī bhavati.
Sace, bhikkhave, gahapatiparisā rājānaṁ cakkavattiṁ dassanāya upasaṅkamati, dassanenapi sā attamanā hoti.
householders …
Tatra ce rājā cakkavattī bhāsati, bhāsitenapi sā attamanā hoti.
Atittāva, bhikkhave, gahapatiparisā hoti, atha rājā cakkavattī tuṇhī bhavati.
Sace, bhikkhave, samaṇaparisā rājānaṁ cakkavattiṁ dassanāya upasaṅkamati, dassanenapi sā attamanā hoti.
or ascetics goes to see a wheel-turning monarch, they’re uplifted by seeing him
Tatra ce rājā cakkavattī bhāsati, bhāsitenapi sā attamanā hoti.
and uplifted by hearing him speak.
Atittāva, bhikkhave, samaṇaparisā hoti, atha rājā cakkavattī tuṇhī bhavati.
And when he falls silent, they’ve never had enough.
Ime kho, bhikkhave, cattāro acchariyā abbhutā dhammā raññe cakkavattimhi.
These are the four incredible and amazing things about a wheel-turning monarch.
Evamevaṁ kho, bhikkhave, cattāro acchariyā abbhutā dhammā ānande.
In the same way, there are these four incredible and amazing things about Ānanda.
Katame cattāro?
What four?
Sace, bhikkhave, bhikkhuparisā ānandaṁ dassanāya upasaṅkamati, dassanenapi sā attamanā hoti.
If an assembly of monks goes to see Ānanda, they’re uplifted by seeing him
Tatra ce ānando dhammaṁ bhāsati, bhāsitenapi sā attamanā hoti.
and uplifted by hearing him speak.
Atittāva, bhikkhave, bhikkhuparisā hoti, atha ānando tuṇhī bhavati.
And when he falls silent, they’ve never had enough.
Sace, bhikkhave, bhikkhuniparisā …pe… sace, bhikkhave, upāsakaparisā …pe… sace, bhikkhave, upāsikāparisā ānandaṁ dassanāya upasaṅkamati, dassanenapi sā attamanā hoti.
If an assembly of nuns … laymen … or laywomen goes to see Ānanda, they’re uplifted by seeing him
Tatra ce ānando dhammaṁ bhāsati, bhāsitenapi sā attamanā hoti.
and uplifted by hearing him speak.
Atittāva, bhikkhave, upāsikāparisā hoti, atha ānando tuṇhī bhavati.
And when he falls silent, they’ve never had enough.
Ime kho, bhikkhave, cattāro acchariyā abbhutā dhammā ānande”ti.
These are the four incredible and amazing things about Ānanda.”
Dasamaṁ.
Bhayavaggo tatiyo.
Tassuddānaṁ
Attānuvādaūmi ca,
dve ca nānā dve ca honti;
Mettā dve ca acchariyā,
aparā ca tathā duveti.