sutta » an » an4 » Aṅguttara Nikāya 4.135

Sāvajjasutta

Blameworthy

“Cattārome, bhikkhave, puggalā santo saṁvijjamānā lokasmiṁ.
“Mendicants, these four people are found in the world.

Katame cattāro?
What four?

Sāvajjo, vajjabahulo, appavajjo, anavajjo.
The blameworthy, the mostly blameworthy, the slightly blameworthy, and the blameless.

Kathañca, bhikkhave, puggalo sāvajjo hoti?
And how is a person blameworthy?

Idha, bhikkhave, ekacco puggalo sāvajjena kāyakammena samannāgato hoti, sāvajjena vacīkammena samannāgato hoti, sāvajjena manokammena samannāgato hoti.
It’s when a person does things by way of body, speech, and mind that are blameworthy.

Evaṁ kho, bhikkhave, puggalo sāvajjo hoti.
That’s how a person is blameworthy.

Kathañca, bhikkhave, puggalo vajjabahulo hoti?
And how is a person mostly blameworthy?

Idha, bhikkhave, ekacco puggalo sāvajjena bahulaṁ kāyakammena samannāgato hoti, appaṁ anavajjena;
It’s when a person does things by way of body, speech, and mind that are mostly blameworthy, but occasionally blameless.

sāvajjena bahulaṁ vacīkammena samannāgato hoti, appaṁ anavajjena;

sāvajjena bahulaṁ manokammena samannāgato hoti, appaṁ anavajjena.

Evaṁ kho, bhikkhave, puggalo vajjabahulo hoti.
That’s how a person is mostly blameworthy.

Kathañca, bhikkhave, puggalo appavajjo hoti?
And how is a person slightly blameworthy?

Idha, bhikkhave, ekacco puggalo anavajjena bahulaṁ kāyakammena samannāgato hoti, appaṁ sāvajjena;
It’s when a person does things by way of body, speech, and mind that are mostly blameless, but occasionally blameworthy.

anavajjena bahulaṁ vacīkammena samannāgato hoti, appaṁ sāvajjena;

anavajjena bahulaṁ manokammena samannāgato hoti, appaṁ sāvajjena.

Evaṁ kho, bhikkhave, puggalo appavajjo hoti.
That’s how a person is slightly blameworthy.

Kathañca, bhikkhave, puggalo anavajjo hoti?
And how is a person blameless?

Idha, bhikkhave, ekacco puggalo anavajjena kāyakammena samannāgato hoti, anavajjena vacīkammena samannāgato hoti, anavajjena manokammena samannāgato hoti.
It’s when a person does things by way of body, speech, and mind that are blameless.

Evaṁ kho, bhikkhave, puggalo anavajjo hoti.
That’s how a person is blameless.

Ime kho, bhikkhave, cattāro puggalā santo saṁvijjamānā lokasmin”ti.
These are the four people found in the world.”

Pañcamaṁ.