sutta » an » an4 » Aṅguttara Nikāya 4.182

Pāṭibhogasutta

Guarantee

“Catunnaṁ, bhikkhave, dhammānaṁ natthi koci pāṭibhogo—
“There are four things that no-one can guarantee—

samaṇo vā brāhmaṇo vā devo vā māro vā brahmā vā koci vā lokasmiṁ.
not an ascetic, a brahmin, a god, a Māra, a divinity, or anyone in the world.

Katamesaṁ catunnaṁ?
What four?

‘Jarādhammaṁ mā jīrī’ti natthi koci pāṭibhogo—
No-one can guarantee that someone liable to old age will not grow old.

samaṇo vā brāhmaṇo vā devo vā māro vā brahmā vā koci vā lokasmiṁ;

‘byādhidhammaṁ mā byādhiyī’ti natthi koci pāṭibhogo—
No-one can guarantee that someone liable to sickness will not get sick.

samaṇo vā brāhmaṇo vā devo vā māro vā brahmā vā koci vā lokasmiṁ;

‘maraṇadhammaṁ mā mīyī’ti natthi koci pāṭibhogo—
No-one can guarantee that someone liable to death will not die.

samaṇo vā brāhmaṇo vā devo vā māro vā brahmā vā koci vā lokasmiṁ;

‘yāni kho pana tāni pubbe attanā katāni pāpakāni kammāni saṅkilesikāni ponobhavikāni sadarāni dukkhavipākāni āyatiṁ jātijarāmaraṇikāni, tesaṁ vipāko mā nibbattī’ti natthi koci pāṭibhogo—
No-one can guarantee that the bad deeds done in past lives—corrupting, leading to future lives, hurtful, resulting in suffering and future rebirth, old age, and death—will not produce their result.

samaṇo vā brāhmaṇo vā devo vā māro vā brahmā vā koci vā lokasmiṁ.

Imesaṁ kho, bhikkhave, catunnaṁ dhammānaṁ natthi koci pāṭibhogo—
These are the four things that no-one can guarantee—

samaṇo vā brāhmaṇo vā devo vā māro vā brahmā vā koci vā lokasmin”ti.
not an ascetic, a brahmin, a god, a Māra, a divinity, or anyone in the world.”

Dutiyaṁ.