Aṅguttara Nikāya 5.4
Translators: sujato
Numbered Discourses 5.4
1. Sekhabalavagga
1. Powers of a Trainee
Yathābhatasutta
Cast Down
“Pañcahi, bhikkhave, dhammehi samannāgato bhikkhu yathābhataṁ nikkhitto evaṁ niraye.
“Mendicants, a mendicant with five qualities is cast down to hell.
Katamehi pañcahi?
What five?
Idha, bhikkhave, bhikkhu assaddho hoti, ahiriko hoti, anottappī hoti, kusīto hoti, duppañño hoti.
It’s when a mendicant is faithless, shameless, imprudent, lazy, and witless.
Imehi kho, bhikkhave, pañcahi dhammehi samannāgato bhikkhu yathābhataṁ nikkhitto evaṁ niraye.
A mendicant with these five qualities is cast down to hell.
Pañcahi, bhikkhave, dhammehi samannāgato bhikkhu yathābhataṁ nikkhitto evaṁ sagge.
A mendicant with five qualities is raised up to heaven.
Katamehi pañcahi?
What five?
Idha, bhikkhave, bhikkhu saddho hoti, hirīmā hoti, ottappī hoti, āraddhavīriyo hoti, paññavā hoti.
It’s when a mendicant is faithful, conscientious, prudent, energetic, and wise.
Imehi kho, bhikkhave, pañcahi dhammehi samannāgato bhikkhu yathābhataṁ nikkhitto evaṁ sagge”ti.
A mendicant with these five qualities is raised up to heaven.”
Catutthaṁ.