Aṅguttara Nikāya 5.124
Translators: sujato
Numbered Discourses 5.124
13. Gilānavagga
13. Sick
Dutiyaupaṭṭhākasutta
A Carer (2nd)
“Pañcahi, bhikkhave, dhammehi samannāgato gilānupaṭṭhāko nālaṁ gilānaṁ upaṭṭhātuṁ.
“Mendicants, a carer with five qualities is not competent to care for a patient.
Katamehi pañcahi?
What five?
Nappaṭibalo hoti bhesajjaṁ saṁvidhātuṁ;
They’re unable to prepare medicine.
sappāyāsappāyaṁ na jānāti, asappāyaṁ upanāmeti, sappāyaṁ apanāmeti;
They don’t know what is suitable and unsuitable, so they supply what is unsuitable and remove what is suitable.
āmisantaro gilānaṁ upaṭṭhāti, no mettacitto;
They care for the sick for the sake of material benefits, not out of love.
jegucchī hoti uccāraṁ vā passāvaṁ vā vantaṁ vā kheḷaṁ vā nīharituṁ;
They’re disgusted to remove feces, urine, vomit, or spit.
nappaṭibalo hoti gilānaṁ kālena kālaṁ dhammiyā kathāya sandassetuṁ samādapetuṁ samuttejetuṁ sampahaṁsetuṁ.
They’re unable to educate, encourage, fire up, and inspire the patient with a Dhamma talk from time to time.
Imehi kho, bhikkhave, pañcahi dhammehi samannāgato gilānupaṭṭhāko nālaṁ gilānaṁ upaṭṭhātuṁ.
A carer with these five qualities is not competent to care for a patient.
Pañcahi, bhikkhave, dhammehi samannāgato gilānupaṭṭhāko alaṁ gilānaṁ upaṭṭhātuṁ.
A carer with five qualities is competent to care for a patient.
Katamehi pañcahi?
What five?
Paṭibalo hoti bhesajjaṁ saṁvidhātuṁ;
They’re able to prepare medicine.
sappāyāsappāyaṁ jānāti, asappāyaṁ apanāmeti, sappāyaṁ upanāmeti;
They know what is suitable and unsuitable, so they remove what is unsuitable and supply what is suitable.
mettacitto gilānaṁ upaṭṭhāti, no āmisantaro;
They care for the sick out of love, not for the sake of material benefits.
ajegucchī hoti uccāraṁ vā passāvaṁ vā vantaṁ vā kheḷaṁ vā nīharituṁ;
They’re not disgusted to remove feces, urine, vomit, or spit.
paṭibalo hoti gilānaṁ kālena kālaṁ dhammiyā kathāya sandassetuṁ samādapetuṁ samuttejetuṁ sampahaṁsetuṁ.
They’re able to educate, encourage, fire up, and inspire the patient with a Dhamma talk from time to time.
Imehi kho, bhikkhave, pañcahi dhammehi samannāgato gilānupaṭṭhāko alaṁ gilānaṁ upaṭṭhātun”ti.
A carer with these five qualities is competent to care for a patient.”
Catutthaṁ.