sutta » an » an5 » Aṅguttara Nikāya 5.130

Byasanasutta

Loss

“Pañcimāni, bhikkhave, byasanāni.
“Mendicants, there are these five losses.

Katamāni pañca?
What five?

Ñātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ.
Loss of relatives, wealth, health, ethics, and view.

Na, bhikkhave, sattā ñātibyasanahetu vā bhogabyasanahetu vā rogabyasanahetu vā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.
It is not because of loss of relatives, wealth, or health that sentient beings, when their body breaks up, after death, are reborn in a place of loss, a bad place, the underworld, hell.

Sīlabyasanahetu vā, bhikkhave, sattā diṭṭhibyasanahetu vā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.
It is because of loss of ethics or view that sentient beings, when their body breaks up, after death, are reborn in a place of loss, a bad place, the underworld, hell.

Imāni kho, bhikkhave, pañca byasanāni.
These are the five losses.

Pañcimā, bhikkhave, sampadā.
There are these five endowments.

Katamā pañca?
What five?

Ñātisampadā, bhogasampadā, ārogyasampadā, sīlasampadā, diṭṭhisampadā.
Endowment with relatives, wealth, health, ethics, and view.

Na, bhikkhave, sattā ñātisampadāhetu vā bhogasampadāhetu vā ārogyasampadāhetu vā kāyassa bhedā paraṁ maraṇā sugatiṁ saggaṁ lokaṁ upapajjanti.
It is not because of endowment with relatives, wealth, or health that sentient beings, when their body breaks up, after death, are reborn in a good place, a heavenly realm.

Sīlasampadāhetu vā, bhikkhave, sattā diṭṭhisampadāhetu vā kāyassa bhedā paraṁ maraṇā sugatiṁ saggaṁ lokaṁ upapajjanti.
It is because of endowment with ethics or view that sentient beings, when their body breaks up, after death, are reborn in a good place, a heavenly realm.

Imā kho, bhikkhave, pañca sampadā”ti.
These are the five endowments.”

Dasamaṁ.

Gilānavaggo tatiyo.

Tassuddānaṁ

Gilāno satisūpaṭṭhi,

Dve upaṭṭhākā duvāyusā;

Vapakāsasamaṇasukhā,

Parikuppaṁ byasanena cāti.