Aṅguttara Nikāya 6.115
Translators: sujato
Numbered Discourses 6.115
11. Tikavagga
11. Triads
Dovacassatāsutta
Hard to Admonish
“Tayome, bhikkhave, dhammā.
“Mendicants, there are these three things.
Katame tayo?
What three?
Dovacassatā, pāpamittatā, cetaso vikkhepo.
Being hard to admonish, bad friendship, and a scattered mind.
Ime kho, bhikkhave, tayo dhammā.
These are the three things.
Imesaṁ kho, bhikkhave, tiṇṇaṁ dhammānaṁ pahānāya tayo dhammā bhāvetabbā.
To give up these three things you should develop three things.
Katame tayo?
What three?
Dovacassatāya pahānāya sovacassatā bhāvetabbā, pāpamittatāya pahānāya kalyāṇamittatā bhāvetabbā, cetaso vikkhepassa pahānāya ānāpānassati bhāvetabbā.
You should develop being easy to admonish to give up being hard to admonish, good friendship to give up bad friendship, and mindfulness of breathing to give up a scattered mind.
Imesaṁ kho, bhikkhave, tiṇṇaṁ dhammānaṁ pahānāya ime tayo dhammā bhāvetabbā”ti.
These are the three things you should develop to give up those three things.”
Navamaṁ.