sutta » an » an7 » Aṅguttara Nikāya 7.26

Bojjhaṅgasutta

Awakening Factors

“Satta vo, bhikkhave, aparihāniye dhamme desessāmi.
“Mendicants, I will teach you seven principles that prevent decline.

Taṁ suṇātha, sādhukaṁ manasi karotha …pe…
Listen and apply your mind well …

katame ca, bhikkhave, satta aparihāniyā dhammā?
And what are the seven principles that prevent decline?

Yāvakīvañca, bhikkhave, bhikkhū satisambojjhaṅgaṁ bhāvessanti; vuddhiyeva, bhikkhave, bhikkhūnaṁ pāṭikaṅkhā, no parihāni.
As long as the mendicants develop the awakening factor of mindfulness …

Yāvakīvañca, bhikkhave, bhikkhū dhammavicayasambojjhaṅgaṁ bhāvessanti …pe…
investigation of principles …

vīriyasambojjhaṅgaṁ bhāvessanti …
energy …

pītisambojjhaṅgaṁ bhāvessanti …
rapture …

passaddhisambojjhaṅgaṁ bhāvessanti …
tranquility …

samādhisambojjhaṅgaṁ bhāvessanti …
immersion …

upekkhāsambojjhaṅgaṁ bhāvessanti; vuddhiyeva, bhikkhave, bhikkhūnaṁ pāṭikaṅkhā, no parihāni.
equanimity, they can expect growth, not decline.

Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṁ pāṭikaṅkhā, no parihānī”ti.
As long as these seven principles that prevent decline last among the mendicants, and as long as the mendicants are seen following them, they can expect growth, not decline.”

Chaṭṭhaṁ.