sutta » an » an8 » Aṅguttara Nikāya 8.53

Saṅkhittasutta

Brief Advice to Gotamī

Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.
At one time the Buddha was staying near Vesālī, at the Great Wood, in the hall with the peaked roof.

Atha kho mahāpajāpatī gotamī yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitā kho sā mahāpajāpatī gotamī bhagavantaṁ etadavoca:
Then Mahāpajāpati Gotamī went up to the Buddha, bowed, stood to one side, and said to him:

“Sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā ekā vūpakaṭṭhā appamattā ātāpinī pahitattā vihareyyan”ti.
“Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”

“Ye kho tvaṁ, gotami, dhamme jāneyyāsi:
“Gotamī, you might know that certain things

‘ime dhammā sarāgāya saṁvattanti, no virāgāya;
lead to passion, not dispassion;

saṁyogāya saṁvattanti, no visaṁyogāya;
to yoking, not to unyoking;

ācayāya saṁvattanti, no apacayāya;
to accumulation, not dispersal;

mahicchatāya saṁvattanti, no appicchatāya;
to more desires, not fewer;

asantuṭṭhiyā saṁvattanti, no santuṭṭhiyā;
to lack of contentment, not contentment;

saṅgaṇikāya saṁvattanti, no pavivekāya;
to crowding, not seclusion;

kosajjāya saṁvattanti, no vīriyārambhāya;
to laziness, not energy;

dubbharatāya saṁvattanti, no subharatāyā’ti,
to being burdensome, not being unburdensome.

ekaṁsena, gotami, dhāreyyāsi:
Categorically, you should remember these things as

‘neso dhammo, neso vinayo, netaṁ satthusāsanan’ti.
not the teaching, not the training, and not the Teacher’s instructions.

Ye ca kho tvaṁ, gotami, dhamme jāneyyāsi:
You might know that certain things

‘ime dhammā virāgāya saṁvattanti, no sarāgāya;
lead to dispassion, not passion;

visaṁyogāya saṁvattanti, no saṁyogāya;
to unyoking, not to yoking;

apacayāya saṁvattanti, no ācayāya;
to dispersal, not accumulation;

appicchatāya saṁvattanti, no mahicchatāya;
to fewer desires, not more;

santuṭṭhiyā saṁvattanti, no asantuṭṭhiyā;
to contentment, not lack of contentment;

pavivekāya saṁvattanti, no saṅgaṇikāya;
to seclusion, not crowding;

vīriyārambhāya saṁvattanti, no kosajjāya;
to energy, not laziness;

subharatāya saṁvattanti, no dubbharatāyā’ti,
to being unburdensome, not being burdensome.

ekaṁsena, gotami, dhāreyyāsi:
Categorically, you should remember these things as

‘eso dhammo, eso vinayo, etaṁ satthusāsanan’”ti.
the teaching, the training, and the Teacher’s instructions.”

Tatiyaṁ.