Aṅguttara Nikāya 10.213
Translators: sujato
Numbered Discourses 10.213
21. Karajakāyavagga
21. The Body Born of Deeds
Mātugāmasutta
A Female
“Dasahi, bhikkhave, dhammehi samannāgato mātugāmo yathābhataṁ nikkhitto evaṁ niraye.
“A female with ten qualities is cast down to hell.
Katamehi dasahi?
What ten?
Pāṇātipātī hoti …pe…
She kills living creatures. …
adinnādāyī hoti …
She steals. …
kāmesumicchācārī hoti …
She commits sexual misconduct. …
musāvādī hoti …
She lies. …
pisuṇavāco hoti …
She speaks divisively. …
pharusavāco hoti …
She speaks harshly. …
samphappalāpī hoti …
She indulges in talking nonsense. …
abhijjhālu hoti …
She’s covetous. …
byāpannacitto hoti …
She has cruel intentions. …
micchādiṭṭhiko hoti ….
She has wrong view. …
Imehi kho, bhikkhave, dasahi dhammehi samannāgato mātugāmo yathābhataṁ nikkhitto evaṁ niraye.
A female with these ten qualities is cast down to hell.
Dasahi, bhikkhave, dhammehi samannāgato mātugāmo yathābhataṁ nikkhitto evaṁ sagge.
A female with ten qualities is raised up to heaven.
Katamehi dasahi?
What ten?
Pāṇātipātā paṭivirato hoti …pe…
She doesn’t kill living creatures. …
adinnādānā paṭivirato hoti …
She doesn’t steal. …
kāmesumicchācārā paṭivirato hoti …
She doesn’t commit sexual misconduct. …
musāvādā paṭivirato hoti …
She doesn’t lie. …
pisuṇāya vācāya paṭivirato hoti …
She doesn’t speak divisively. …
pharusāya vācāya paṭivirato hoti …
She doesn’t speak harshly. …
samphappalāpā paṭivirato hoti …
She doesn’t indulge in talking nonsense. …
anabhijjhālu hoti …
She’s content. …
abyāpannacitto hoti …
She’s kind hearted. …
sammādiṭṭhiko hoti ….
She has right view. …
Imehi kho, bhikkhave, dasahi dhammehi samannāgato mātugāmo yathābhataṁ nikkhitto evaṁ sagge”ti.
A female with these ten qualities is raised up to heaven.”
Tatiyaṁ.