Aṅguttara Nikāya 10.215
Translators: sujato
Numbered Discourses 10.215
21. Karajakāyavagga
21. The Body Born of Deeds
Visāradasutta
Assured
“Dasahi, bhikkhave, dhammehi samannāgatā upāsikā avisāradā agāraṁ ajjhāvasati.
“A laywoman living at home with these ten qualities is not self-assured.
Katamehi dasahi?
What ten?
Pāṇātipātinī hoti …
She kills living creatures. …
adinnādāyinī hoti …
kāmesumicchācārinī hoti …
musāvādinī hoti …
pisuṇavācā hoti …
pharusavācā hoti …
samphappalāpinī hoti …
abhijjhālunī hoti …
byāpannacittā hoti …
micchādiṭṭhikā hoti ….
She has wrong view. …
Imehi kho, bhikkhave, dasahi dhammehi samannāgatā upāsikā avisāradā agāraṁ ajjhāvasati.
A laywoman living at home with these ten qualities is not self-assured.
Dasahi, bhikkhave, dhammehi samannāgatā upāsikā visāradā agāraṁ ajjhāvasati.
A laywoman living at home with these ten qualities is self-assured.
Katamehi dasahi?
What ten?
Pāṇātipātā paṭiviratā hoti …
She doesn’t kill living creatures. …
adinnādānā paṭiviratā hoti …
kāmesumicchācārā paṭiviratā hoti …
musāvādā paṭiviratā hoti …
pisuṇāya vācāya paṭiviratā hoti …
pharusāya vācāya paṭiviratā hoti …
samphappalāpā paṭiviratā hoti …
anabhijjhālunī hoti …
abyāpannacittā hoti …
sammādiṭṭhikā hoti ….
She has right view. …
Imehi kho, bhikkhave, dasahi dhammehi samannāgatā upāsikā visāradā agāraṁ ajjhāvasatī”ti.
A laywoman living at home with these ten qualities is self-assured.”
Pañcamaṁ.