sutta » kn » iti » vagga8 » Itivuttaka 79

Parihānasutta

Decline

Vuttañhetaṁ bhagavatā vuttamarahatāti me sutaṁ:
This was said by the Buddha, the Perfected One: that is what I heard.

“Tayome, bhikkhave, dhammā sekhassa bhikkhuno parihānāya saṁvattanti.
“These three things lead to the decline of a mendicant trainee.

Katame tayo?
What three?

Idha, bhikkhave, sekho bhikkhu kammārāmo hoti, kammarato, kammārāmatamanuyutto;
It’s when a mendicant relishes work,

bhassārāmo hoti, bhassarato, bhassārāmatamanuyutto;
talk,

niddārāmo hoti, niddārato, niddārāmatamanuyutto.
and sleep.

Ime kho, bhikkhave, tayo dhammā sekhassa bhikkhuno parihānāya saṁvattanti.
These three things lead to the decline of a mendicant trainee.

Tayome, bhikkhave, dhammā sekhassa bhikkhuno aparihānāya saṁvattanti.
These three things don’t lead to the decline of a mendicant trainee.

Katame tayo?
What three?

Idha, bhikkhave, sekho bhikkhu na kammārāmo hoti, na kammarato, na kammārāmatamanuyutto;
It’s when a mendicant doesn’t relish work,

na bhassārāmo hoti, na bhassarato, na bhassārāmatamanuyutto;
talk,

na niddārāmo hoti, na niddārato, na niddārāmatamanuyutto.
and sleep.

Ime kho, bhikkhave, tayo dhammā sekhassa bhikkhuno aparihānāya saṁvattantī”ti.
These three things don’t lead to the decline of a mendicant trainee.”

Etamatthaṁ bhagavā avoca.
The Buddha spoke this matter.

Tatthetaṁ iti vuccati:
On this it is said:

“Kammārāmo bhassārāmo,
“Restless, they relish

Niddārāmo ca uddhato;
work, talk, and sleep.

Abhabbo tādiso bhikkhu,
Such a mendicant is incapable

Phuṭṭhuṁ sambodhimuttamaṁ.
of experiencing the highest awakening.

Tasmā hi appakiccassa,
That’s why one ought have few duties,

Appamiddho anuddhato;
being wakeful not restless.

Bhabbo so tādiso bhikkhu,
Such a mendicant is capable

Phuṭṭhuṁ sambodhimuttaman”ti.
of experiencing the highest awakening.”

Ayampi attho vutto bhagavatā, iti me sutanti.
This too is a matter that was spoken by the Blessed One: that is what I heard.

Dasamaṁ.

Tatiyo vaggo.

Tassuddānaṁ

Dve diṭṭhī nissaraṇaṁ rūpaṁ,

putto avuṭṭhikena ca;

Sukhā ca bhiduro dhātu,

parihānena te dasāti.