sutta » kn » ja » Jātaka

5. Anabhiratijātaka

“Yathodake āvile appasanne,

Na passati sippikasambukañca;

Sakkharaṁ vālukaṁ macchagumbaṁ,

Evaṁ āvilamhi citte;

Na passati attadatthaṁ paratthaṁ.

Yathodake acche vippasanne,

So passati sippikasambukañca;

Sakkharaṁ vālukaṁ macchagumbaṁ,

Evaṁ anāvilamhi citte;

So passati attadatthaṁ paratthan”ti.

Anabhiratijātakaṁ pañcamaṁ.