Jātaka
Tikanipāta
Padumavagga
5. Khurappajātaka
“Disvā khurappe dhanuveganunne,
Khagge gahīte tikhiṇe teladhote;
Tasmiṁ bhayasmiṁ maraṇe viyūḷhe,
Kasmā nu te nāhu chambhitattaṁ”.
“Disvā khurappe dhanuveganunne,
Khagge gahīte tikhiṇe teladhote;
Tasmiṁ bhayasmiṁ maraṇe viyūḷhe,
Vedaṁ alatthaṁ vipulaṁ uḷāraṁ.
So vedajāto ajjhabhaviṁ amitte,
Pubbeva me jīvitamāsi cattaṁ;
Na hi jīvite ālayaṁ kubbamāno,
Sūro kayirā sūrakiccaṁ kadācī”ti.
Khurappajātakaṁ pañcamaṁ.