Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.15. Sāsavaduka
Nasāsavaṁ dhammaṁ paṭicca nasāsavo dhammo uppajjati hetupaccayā. Nasāsavaṁ dhammaṁ paṭicca naanāsavo dhammo uppajjati hetupaccayā. Nasāsavaṁ dhammaṁ paṭicca nasāsavo ca naanāsavo ca dhammā uppajjanti hetupaccayā.
Naanāsavaṁ dhammaṁ paṭicca naanāsavo dhammo uppajjati hetupaccayā.
Nasāsavañca naanāsavañca dhammaṁ paṭicca naanāsavo dhammo uppajjati hetupaccayā. (Saṅkhittaṁ.)
Hetuyā pañca, ārammaṇe dve …pe… avigate pañca. (Sabbattha vitthāro.)