Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.21. Saññojaniyaduka
Nasaññojaniyaṁ dhammaṁ paṭicca nasaññojaniyo dhammo uppajjati hetupaccayā. Nasaññojaniyaṁ dhammaṁ paṭicca naasaññojaniyo dhammo uppajjati hetupaccayā. Nasaññojaniyaṁ dhammaṁ paṭicca nasaññojaniyo ca naasaññojaniyo ca dhammā uppajjanti hetupaccayā.
Naasaññojaniyaṁ dhammaṁ paṭicca naasaññojaniyo dhammo uppajjati hetupaccayā.
Nasaññojaniyañca naasaññojaniyañca dhammaṁ paṭicca naasaññojaniyo dhammo uppajjati hetupaccayā. (Saṅkhittaṁ.)
Hetuyā pañca, ārammaṇe dve …pe… avigate pañca. (Sabbattha vitthāro.)