Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.33. Parāmāsadukādi
Noparāmāsaṁ dhammaṁ paṭicca noparāmāso dhammo uppajjati hetupaccayā. (Saṅkhittaṁ.)
Hetuyā pañca …pe… vipāke ekaṁ …pe… avigate pañca.
Naparāmaṭṭhaṁ dhammaṁ paṭicca naparāmaṭṭho dhammo uppajjati hetupaccayā. (Saṅkhittaṁ. Sabbattha pañca.)
Naparāmāsasampayuttaṁ dhammaṁ paṭicca naparāmāsasampayutto dhammo uppajjati hetupaccayā. (Saṅkhittaṁ.)
Hetuyā pañca, ārammaṇe dve …pe… vipāke ekaṁ …pe… avigate pañca.
Naparāmāsañceva naaparāmaṭṭhañca dhammaṁ paṭicca naparāmāso ceva naaparāmaṭṭho ca dhammo uppajjati hetupaccayā. Naparāmāsañceva naaparāmaṭṭhañca dhammaṁ paṭicca naaparāmaṭṭho ceva nano ca parāmāso dhammo uppajjati hetupaccayā. Naparāmāsañceva naaparāmaṭṭhañca dhammaṁ paṭicca naparāmāso ceva naaparāmaṭṭho ca naaparāmaṭṭho ceva nanoparāmāso ca dhammā uppajjanti hetupaccayā.
Naaparāmaṭṭhañceva nano ca parāmāsaṁ dhammaṁ paṭicca naparāmāso ceva naaparāmaṭṭho ca dhammo uppajjati hetupaccayā.
Naparāmāsañceva naaparāmaṭṭhañca naaparāmaṭṭhañceva nano ca parāmāsañca dhammaṁ paṭicca naparāmāso ceva naaparāmaṭṭho ca dhammo uppajjati hetupaccayā. (Saṅkhittaṁ.)
Hetuyā pañca …pe… vipāke ekaṁ …pe… avigate pañca.
Parāmāsavippayuttaṁ naparāmaṭṭhaṁ dhammaṁ paṭicca parāmāsavippayutto naparāmaṭṭho dhammo uppajjati hetupaccayā. Parāmāsavippayuttaṁ naparāmaṭṭhaṁ dhammaṁ paṭicca parāmāsavippayutto naaparāmaṭṭho dhammo uppajjati hetupaccayā. Parāmāsavippayuttaṁ naparāmaṭṭhaṁ dhammaṁ paṭicca parāmāsavippayutto naparāmaṭṭho ca parāmāsavippayutto naaparāmaṭṭho ca dhammā uppajjanti hetupaccayā.
Parāmāsavippayuttaṁ naaparāmaṭṭhaṁ dhammaṁ paṭicca parāmāsavippayutto naaparāmaṭṭho dhammo uppajjati hetupaccayā.
Parāmāsavippayuttaṁ naparāmaṭṭhañca parāmāsavippayuttaṁ naaparāmaṭṭhañca dhammaṁ paṭicca parāmāsavippayutto naaparāmaṭṭho dhammo uppajjati hetupaccayā.
Hetuyā pañca, ārammaṇe dve …pe…. Avigate pañca.
Parāmāsagocchakaṁ niṭṭhitaṁ.