Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.34. Sārammaṇaduka
Nasārammaṇaṁ dhammaṁ paṭicca nasārammaṇo dhammo uppajjati hetupaccayā. Nasārammaṇaṁ dhammaṁ paṭicca naanārammaṇo dhammo uppajjati hetupaccayā. Nasārammaṇaṁ dhammaṁ paṭicca nasārammaṇo ca naanārammaṇo ca dhammā uppajjanti hetupaccayā.
Naanārammaṇaṁ dhammaṁ paṭicca naanārammaṇo dhammo uppajjati hetupaccayā. Naanārammaṇaṁ dhammaṁ paṭicca nasārammaṇo dhammo uppajjati hetupaccayā. Naanārammaṇaṁ dhammaṁ paṭicca nasārammaṇo ca naanārammaṇo ca dhammā uppajjanti hetupaccayā.
Nasārammaṇañca naanārammaṇañca dhammaṁ paṭicca nasārammaṇo dhammo uppajjati hetupaccayā. Nasārammaṇañca naanārammaṇañca dhammaṁ paṭicca naanārammaṇo dhammo uppajjati hetupaccayā. Nasārammaṇañca naanārammaṇañca dhammaṁ paṭicca nasārammaṇo ca naanārammaṇo ca dhammā uppajjanti hetupaccayā. (Saṅkhittaṁ.)
Hetuyā nava, ārammaṇe tīṇi, adhipatiyā pañca …pe… aññamaññe cha …pe… purejāte āsevane ekaṁ …pe… avigate nava. (Sabbattha vitthāro.)