Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.35. Cittaduka
Nacittaṁ dhammaṁ paṭicca nacitto dhammo uppajjati hetupaccayā. Nacittaṁ dhammaṁ paṭicca nanocitto dhammo uppajjati hetupaccayā. Nacittaṁ dhammaṁ paṭicca nacitto ca nanocitto ca dhammā uppajjanti hetupaccayā.
Nanocittaṁ dhammaṁ paṭicca nacitto dhammo uppajjati hetupaccayā.
Nacittañca nanocittañca dhammaṁ paṭicca nacitto dhammo uppajjati hetupaccayā. (Saṅkhittaṁ.)
Hetuyā pañca …pe… avigate pañca. (Sabbattha pañca.)