Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.36. Cetasikaduka
Nacetasikaṁ dhammaṁ paṭicca nacetasiko dhammo uppajjati hetupaccayā. Nacetasikaṁ dhammaṁ paṭicca naacetasiko dhammo uppajjati hetupaccayā. Nacetasikaṁ dhammaṁ paṭicca nacetasiko ca naacetasiko ca dhammā uppajjanti hetupaccayā.
Naacetasikaṁ dhammaṁ paṭicca naacetasiko dhammo uppajjati hetupaccayā. Naacetasikaṁ dhammaṁ paṭicca nacetasiko dhammo uppajjati hetupaccayā. Naacetasikaṁ dhammaṁ paṭicca nacetasiko ca naacetasiko ca dhammā uppajjanti hetupaccayā.
Nacetasikañca naacetasikañca dhammaṁ paṭicca nacetasiko dhammo uppajjati hetupaccayā. Nacetasikañca naacetasikañca dhammaṁ paṭicca naacetasiko dhammo uppajjati hetupaccayā. Nacetasikañca naacetasikañca dhammaṁ paṭicca nacetasiko ca naacetasiko ca dhammā uppajjanti hetupaccayā.
Hetuyā nava …pe… purejāte āsevane pañca …pe… avigate nava. (Sabbattha vitthāro.)