Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.37. Cittasampayuttaduka
Nacittasampayuttaṁ dhammaṁ paṭicca nacittasampayutto dhammo uppajjati hetupaccayā—cittaṁ paṭicca cittasamuṭṭhānaṁ rūpaṁ. Nacittasampayuttaṁ dhammaṁ paṭicca nacittavippayutto dhammo uppajjati hetupaccayā—cittaṁ paṭicca cittasampayuttakā khandhā.
(Paccanīyadukamattāni na vattabbaṁ dhammaṁ pūretuṁ nava nava pañhāni karotu.)
Hetuyā nava, ārammaṇe tīṇi, adhipatiyā pañca …pe… aññamaññe cha …pe… purejāte āsevane ekaṁ …pe… avigate nava.