Paṭṭhānapakaraṇa
Dhammapaccanīya (2), Dukapaṭṭhānapāḷi (2)
8.56. Kilesavippayuttasaṅkilesikaduka
Kilesavippayuttaṁ nasaṅkilesikaṁ dhammaṁ paṭicca kilesavippayutto nasaṅkilesiko dhammo uppajjati hetupaccayā. Kilesavippayuttaṁ nasaṅkilesikaṁ dhammaṁ paṭicca kilesavippayutto naasaṅkilesiko dhammo uppajjati hetupaccayā. Kilesavippayuttaṁ nasaṅkilesikaṁ dhammaṁ paṭicca kilesavippayutto nasaṅkilesiko ca kilesavippayutto naasaṅkilesiko ca dhammā uppajjanti hetupaccayā.
Kilesavippayuttaṁ naasaṅkilesikaṁ dhammaṁ paṭicca kilesavippayutto naasaṅkilesiko dhammo uppajjati hetupaccayā.
Kilesavippayuttaṁ nasaṅkilesikañca kilesavippayuttaṁ naasaṅkilesikañca dhammaṁ paṭicca kilesavippayutto naasaṅkilesiko dhammo uppajjati hetupaccayā. (Saṅkhittaṁ.)
Hetuyā pañca, ārammaṇe dve …pe… avigate pañca. (Sabbattha vitthāro.)