Paṭṭhānapakaraṇa
Dhammapaccanīya (2), Tikatikapaṭṭhānapāḷi (5)
11.7. Kusalattika, Dassanattikādi
Nakusalaṁ nadassanena pahātabbaṁ dhammaṁ paṭicca …pe… nakusalaṁ nabhāvanāya pahātabbaṁ dhammaṁ paṭicca …. (Saṅkhittaṁ.) Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa.
Nakusalaṁ nanevadassanena nabhāvanāya pahātabbaṁ dhammaṁ paṭicca …. (Saṅkhittaṁ. Sabbattha nava. Vipākaṁ natthi.)
Nakusalaṁ nadassanena pahātabbahetukaṁ dhammaṁ paṭicca …pe… nakusalaṁ nabhāvanāya pahātabbahetukaṁ dhammaṁ paṭicca …. (Saṅkhittaṁ.) Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa.
Nakusalaṁ nanevadassanena nabhāvanāya pahātabbahetukaṁ dhammaṁ paṭicca …. (Saṅkhittaṁ. Sabbattha nava. Vipākaṁ natthi.)
Nakusalaṁ naācayagāmiṁ dhammaṁ paṭicca …. (Saṅkhittaṁ.) Hetuyā ekavīsa, ārammaṇe sattarasa …pe… vipāke nava …pe… avigate ekavīsa.
Nakusalaṁ naapacayagāmiṁ dhammaṁ paṭicca …. (Saṅkhittaṁ.) Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa.
Nakusalaṁ nanevācayagāmināpacayagāmiṁ dhammaṁ paṭicca …. (Sabbattha sattarasa. Vipākaṁ natthi.)
Nakusalaṁ nasekkhaṁ dhammaṁ paṭicca …pe… nakusalaṁ naasekkhaṁ dhammaṁ paṭicca …. (Saṅkhittaṁ.) Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa.
Nakusalaṁ nanevasekkhanāsekkhaṁ dhammaṁ paṭicca …. (Saṅkhittaṁ.) Hetuyā sattarasa …pe… āsevane nava …pe… vipāke nava …pe… avigate sattarasa.
Nakusalaṁ naparittaṁ dhammaṁ paṭicca …. (Saṅkhittaṁ.) Hetuyā sattarasa …pe… vipāke nava …pe… avigate sattarasa.
Nakusalaṁ namahaggataṁ dhammaṁ paṭicca …pe… nakusalaṁ naappamāṇaṁ dhammaṁ paṭicca …. (Saṅkhittaṁ.) Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa.
Nakusalaṁ naparittārammaṇaṁ dhammaṁ paṭicca …pe… nakusalaṁ namahaggatārammaṇaṁ dhammaṁ paṭicca …pe… nakusalaṁ naappamāṇārammaṇaṁ dhammaṁ paṭicca …. (Saṅkhittaṁ.)
Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa.