Paṭṭhānapakaraṇa
Dhammānulomapaccanīya (3), Dukapaṭṭhānapāḷi (2)
14.15. Āsavasampayuttaduka
Āsavasampayuttaṁ dhammaṁ paṭicca naāsavasampayutto dhammo uppajjati hetupaccayā. Āsavasampayuttaṁ dhammaṁ paṭicca naāsavavippayutto dhammo uppajjati hetupaccayā. Āsavasampayuttaṁ dhammaṁ paṭicca naāsavasampayutto ca naāsavavippayutto ca dhammā uppajjanti hetupaccayā.
Āsavavippayuttaṁ dhammaṁ paṭicca naāsavavippayutto dhammo uppajjati hetupaccayā. Āsavavippayuttaṁ dhammaṁ paṭicca naāsavasampayutto dhammo uppajjati hetupaccayā. Āsavavippayuttaṁ dhammaṁ paṭicca naāsavasampayutto ca naāsavavippayutto ca dhammā uppajjanti hetupaccayā.
Āsavasampayuttañca āsavavippayuttañca dhammaṁ paṭicca naāsavasampayutto dhammo uppajjati hetupaccayā. Āsavasampayuttañca āsavavippayuttañca dhammaṁ paṭicca naāsavavippayutto dhammo uppajjati hetupaccayā. Āsavasampayuttañca āsavavippayuttañca dhammaṁ paṭicca naāsavasampayutto ca naāsavavippayutto ca dhammā uppajjanti hetupaccayā. (Saṅkhittaṁ.)
Hetuyā nava, ārammaṇe cha …pe… vipāke ekaṁ …pe… avigate nava. (Sabbattha vitthāro.)