Paṭṭhānapakaraṇa
Dhammānulomapaccanīya (3), Dukapaṭṭhānapāḷi (2)
14.31. Sappītikadukādi
Sappītikaṁ dhammaṁ paṭicca nasappītiko dhammo uppajjati hetupaccayā … tīṇi.
Appītikaṁ dhammaṁ paṭicca naappītiko dhammo uppajjati hetupaccayā.
Hetuyā nava …pe… purejāte āsevane cha …pe… avigate nava.
Pītisahagataṁ dhammaṁ paṭicca napītisahagato dhammo uppajjati hetupaccayā … tīṇi.
Napītisahagataṁ dhammaṁ paṭicca nanapītisahagato dhammo uppajjati hetupaccayā. (Saṅkhittaṁ.)
Hetuyā nava …pe… purejāte āsevane cha …pe… avigate nava.
Sukhasahagataṁ dhammaṁ paṭicca nasukhasahagato dhammo uppajjati hetupaccayā … tīṇi.
Nasukhasahagataṁ dhammaṁ paṭicca nanasukhasahagato dhammo uppajjati hetupaccayā. (Saṅkhittaṁ.)
Hetuyā nava …pe… purejāte āsevane cha …pe… avigate nava.
Upekkhāsahagataṁ dhammaṁ paṭicca naupekkhāsahagato dhammo uppajjati hetupaccayā … tīṇi.
Naupekkhāsahagataṁ dhammaṁ paṭicca nanaupekkhāsahagato dhammo uppajjati hetupaccayā. (Saṅkhittaṁ.)
Hetuyā nava …pe… purejāte āsevane cha …pe… avigate nava.