Paṭṭhānapakaraṇa
Dhammānulomapaccanīya (3), Dukatikapaṭṭhānapāḷi (3)
15.2. Hetuduka, Vedanāttika
Hetuṁ sukhāya vedanāya sampayuttaṁ dhammaṁ paṭicca nahetu nasukhāya vedanāya sampayutto dhammo uppajjati hetupaccayā.
Nahetuṁ sukhāya vedanāya sampayuttaṁ dhammaṁ paṭicca nahetu nasukhāya vedanāya sampayutto dhammo uppajjati hetupaccayā.
Hetuṁ sukhāya vedanāya sampayuttañca nahetuṁ sukhāya vedanāya sampayuttañca dhammaṁ paṭicca nahetu nasukhāya vedanāya sampayutto dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe tīṇi …pe… avigate tīṇi.
(Sahajātavārampi …pe… pañhāvārampi vitthāretabbaṁ.)
Hetuṁ dukkhāya vedanāya sampayuttaṁ dhammaṁ paṭicca nahetu nadukkhāya vedanāya sampayutto dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi. (Sabbattha vitthāro.)
Hetuṁ adukkhamasukhāya vedanāya sampayuttaṁ dhammaṁ paṭicca nahetu naadukkhamasukhāya vedanāya sampayutto dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi. (Sabbattha vitthāro.)