Paṭṭhānapakaraṇa
Dhammānulomapaccanīya (3), Dukatikapaṭṭhānapāḷi (3)
15.35. Āsavasāsavadukādi, Kusalattika
Sāsavañceva no ca āsavaṁ kusalaṁ dhammaṁ paṭicca naāsavo ceva naanāsavo ca nakusalo dhammo uppajjati hetupaccayā. Hetuyā ekaṁ …pe… avigate ekaṁ.
Āsavañceva sāsavañca akusalaṁ dhammaṁ paṭicca noāsavo ceva naanāsavo ca naakusalo dhammo uppajjati hetupaccayā …. Hetuyā tīṇi …pe… avigate tīṇi.
Sāsavañceva no ca āsavaṁ abyākataṁ dhammaṁ paccayā naanāsavo ceva nano ca āsavo naabyākato dhammo uppajjati hetupaccayā …. Hetuyā tīṇi …pe… avigate tīṇi.
(Āsavaāsavasampayuttadukaṁ āsavasāsavadukasadisaṁ.)