Paṭṭhānapakaraṇa
Dhammānulomapaccanīya (3), Dukatikapaṭṭhānapāḷi (3)
15.49. Ajjhattikaduka, Kusalattika
Ajjhattikaṁ kusalaṁ dhammaṁ paṭicca naajjhattiko nakusalo dhammo uppajjati hetupaccayā. Bāhiraṁ kusalaṁ dhammaṁ paṭicca naajjhattiko nakusalo dhammo uppajjati hetupaccayā. Ajjhattikaṁ kusalañca bāhiraṁ kusalañca dhammaṁ paṭicca naajjhattiko nakusalo dhammo uppajjati hetupaccayā. Hetuyā tīṇi …pe… avigate tīṇi.
Ajjhattikaṁ akusalaṁ dhammaṁ paṭicca naajjhattiko naakusalo dhammo uppajjati hetupaccayā. Bāhiraṁ akusalaṁ dhammaṁ paṭicca naajjhattiko naakusalo dhammo uppajjati hetupaccayā. Ajjhattikaṁ akusalañca bāhiraṁ akusalañca dhammaṁ paṭicca naajjhattiko naakusalo dhammo uppajjati hetupaccayā. Hetuyā tīṇi …pe… avigate tīṇi. (Abyākatamūlaṁ tīṇiyeva paccayavasena.)