Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.10. Kusalattika, Rūpīduka
Abyākataṁ rūpiṁ dhammaṁ paṭicca nakusalo narūpī dhammo uppajjati hetupaccayā. Abyākataṁ rūpiṁ dhammaṁ paṭicca naakusalo narūpī dhammo uppajjati hetupaccayā. Abyākataṁ rūpiṁ dhammaṁ paṭicca nakusalo narūpī ca naakusalo narūpī ca dhammā uppajjanti hetupaccayā. Hetuyā tīṇi …pe… avigate tīṇi.
Kusalaṁ arūpiṁ dhammaṁ paṭicca tīṇi. Akusalaṁ arūpiṁ dhammaṁ paṭicca tīṇi. Abyākataṁ arūpiṁ dhammaṁ paṭicca tīṇi. Hetuyā nava …pe… aññamaññe tīṇi …pe… vipāke tīṇi …pe… avigate nava.