Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.19. Kusalattika, Cittasaṁsaṭṭhaduka
Kusalaṁ cittasaṁsaṭṭhaṁ dhammaṁ paṭicca nakusalo nacittasaṁsaṭṭho dhammo uppajjati hetupaccayā. Kusalaṁ cittasaṁsaṭṭhaṁ dhammaṁ paṭicca naakusalo nacittasaṁsaṭṭho dhammo uppajjati hetupaccayā. Kusalaṁ cittasaṁsaṭṭhaṁ dhammaṁ paṭicca naabyākato nacittasaṁsaṭṭho dhammo uppajjati hetupaccayā. Kusalaṁ cittasaṁsaṭṭhaṁ dhammaṁ paṭicca naakusalo nacittasaṁsaṭṭho ca naabyākato nacittasaṁsaṭṭho ca dhammā uppajjanti hetupaccayā. Kusalaṁ cittasaṁsaṭṭhaṁ dhammaṁ paṭicca nakusalo nacittasaṁsaṭṭho ca naakusalo nacittasaṁsaṭṭho ca dhammā uppajjanti hetupaccayā … pañca.
Akusalaṁ cittasaṁsaṭṭhaṁ dhammaṁ paṭicca naakusalo nacittasaṁsaṭṭho dhammo uppajjati hetupaccayā. Akusalaṁ cittasaṁsaṭṭhaṁ dhammaṁ paṭicca nakusalo nacittasaṁsaṭṭho dhammo uppajjati hetupaccayā. Akusalaṁ cittasaṁsaṭṭhaṁ dhammaṁ paṭicca naabyākato nacittasaṁsaṭṭho dhammo uppajjati hetupaccayā. Akusalaṁ cittasaṁsaṭṭhaṁ dhammaṁ paṭicca nakusalo nacittasaṁsaṭṭho ca naabyākato nacittasaṁsaṭṭho ca dhammā uppajjanti hetupaccayā. Akusalaṁ cittasaṁsaṭṭhaṁ dhammaṁ paṭicca nakusalo nacittasaṁsaṭṭho ca naakusalo nacittasaṁsaṭṭho ca dhammā uppajjanti hetupaccayā … pañca.
Abyākataṁ cittasaṁsaṭṭhaṁ dhammaṁ paṭicca nakusalo nacittasaṁsaṭṭho dhammo uppajjati hetupaccayā. Abyākataṁ cittasaṁsaṭṭhaṁ dhammaṁ paṭicca naakusalo nacittasaṁsaṭṭho dhammo uppajjati hetupaccayā. Abyākataṁ cittasaṁsaṭṭhaṁ dhammaṁ paṭicca nakusalo nacittasaṁsaṭṭho ca naakusalo nacittasaṁsaṭṭho ca dhammā uppajjanti hetupaccayā … tīṇi. (Saṅkhittaṁ.)
Hetuyā terasa, ārammaṇe nava …pe… vipāke tīṇi …pe… avigate terasa.