Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.30. Vitakkattika, Hetuduka
Savitakkasavicāraṁ hetuṁ dhammaṁ paṭicca nasavitakkasavicāro nahetu dhammo uppajjati hetupaccayā. (Saṅkhittaṁ.) Hetuyā pannarasa …pe… avigate pannarasa.
Savitakkasavicāraṁ nahetuṁ dhammaṁ paṭicca naavitakkavicāramatto nanahetu dhammo uppajjati hetupaccayā. (Saṅkhittaṁ.) Hetuyā aṭṭhavīsa, ārammaṇe aṭṭhavīsa, adhipatiyā ekūnavīsa …pe… purejāte āsevane ekūnavīsa …pe… avigate aṭṭhavīsa.