Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.44. Ajjhattattika, Hetuduka
Ajjhattaṁ hetuṁ dhammaṁ paṭicca nabahiddhā nahetu dhammo uppajjati hetupaccayā. Bahiddhā hetuṁ dhammaṁ paṭicca naajjhatto nahetu dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
Ajjhattaṁ nahetuṁ dhammaṁ paṭicca nabahiddhā nanahetu dhammo uppajjati hetupaccayā. Bahiddhā nahetuṁ dhammaṁ paṭicca naajjhatto nanahetu dhammo uppajjati hetupaccayā. (Saṅkhittaṁ.) Hetuyā dve …pe… avigate dve.