Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.57. Sanidassanattika, Kenaciviññeyyaduka
Anidassanasappaṭighaṁ kenaci viññeyyaṁ dhammaṁ paṭicca naanidassanasappaṭigho nakenaci viññeyyo dhammo uppajjati hetupaccayā. Anidassanasappaṭighaṁ kenaci viññeyyaṁ dhammaṁ paṭicca nasanidassanasappaṭigho nakenaci viññeyyo dhammo uppajjati hetupaccayā. Anidassanasappaṭighaṁ kenaci viññeyyaṁ dhammaṁ paṭicca naanidassanaappaṭigho nakenaci viññeyyo dhammo uppajjati hetupaccayā …pe… anidassanasappaṭighaṁ kenaci viññeyyaṁ dhammaṁ paṭicca nasanidassanasappaṭigho nakenaci viññeyyo ca naanidassanasappaṭigho nakenaci viññeyyo ca dhammā uppajjanti hetupaccayā … cha.
Anidassanaappaṭighaṁ kenaci viññeyyaṁ dhammaṁ paṭicca naanidassanaappaṭigho nakenaci viññeyyo dhammo uppajjati hetupaccayā … cha.
Anidassanasappaṭighaṁ kenaci viññeyyañca anidassanaappaṭighaṁ kenaci viññeyyañca dhammaṁ paṭicca nasanidassanasappaṭigho nakenaci viññeyyo dhammo uppajjati hetupaccayā … cha. (Saṅkhittaṁ.) Hetuyā aṭṭhārasa, ārammaṇe tīṇi …pe… aññamaññe pannarasa …pe… avigate aṭṭhārasa.
Anidassanasappaṭighaṁ kenaci viññeyyaṁ dhammaṁ paṭicca nasanidassanasappaṭigho nanakenaci viññeyyo dhammo uppajjati hetupaccayā. (Saṅkhittaṁ.) Hetuyā aṭṭhārasa, ārammaṇe tīṇi …pe… aññamaññe pannarasa …pe… avigate aṭṭhārasa.