Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.60. Sanidassanattika, Āsavasampayuttaduka
Anidassanaappaṭighaṁ āsavasampayuttaṁ dhammaṁ paṭicca naanidassanaappaṭigho naāsavasampayutto dhammo uppajjati hetupaccayā. Anidassanaappaṭighaṁ āsavasampayuttaṁ dhammaṁ paṭicca nasanidassanasappaṭigho naāsavasampayutto dhammo uppajjati hetupaccayā …pe… anidassanaappaṭighaṁ āsavasampayuttaṁ dhammaṁ paṭicca nasanidassanasappaṭigho naāsavasampayutto ca naanidassanasappaṭigho naāsavasampayutto ca dhammā uppajjanti hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha.
Anidassanaappaṭighaṁ āsavavippayuttaṁ dhammaṁ paṭicca nasanidassanasappaṭigho naāsavavippayutto dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.