Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.64. Sanidassanattika, Saññojanadukādi
Anidassanaappaṭighaṁ saññojanaṁ dhammaṁ paṭicca naanidassanaappaṭigho nosaññojano dhammo uppajjati hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.
Anidassanaappaṭighaṁ ganthaṁ dhammaṁ paṭicca naanidassanaappaṭigho nogantho dhammo uppajjati hetupaccayā …pe….
Anidassanaappaṭighaṁ oghaṁ dhammaṁ paṭicca naanidassanaappaṭigho noogho dhammo uppajjati hetupaccayā …pe….
Anidassanaappaṭighaṁ yogaṁ dhammaṁ paṭicca naanidassanaappaṭigho noyogo dhammo uppajjati hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.
Anidassanaappaṭighaṁ nīvaraṇaṁ dhammaṁ paṭicca naanidassanaappaṭigho nonīvaraṇo dhammo uppajjati hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.
Anidassanaappaṭighaṁ parāmāsaṁ dhammaṁ paṭicca naanidassanaappaṭigho noparāmāso dhammo uppajjati hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.