Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.67. Sanidassanattika, Cetasikaduka
Anidassanaappaṭighaṁ cetasikaṁ dhammaṁ paṭicca naanidassanaappaṭigho nacetasiko dhammo uppajjati hetupaccayā. Anidassanaappaṭighaṁ cetasikaṁ dhammaṁ paṭicca nasanidassanasappaṭigho nacetasiko dhammo uppajjati hetupaccayā …pe… anidassanaappaṭighaṁ cetasikaṁ dhammaṁ paṭicca nasanidassanasappaṭigho nacetasiko ca naanidassanasappaṭigho nacetasiko ca dhammā uppajjanti hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.