Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.73. Sanidassanattika, Cittasaṁsaṭṭhasamuṭṭhānadukādi
Anidassanaappaṭighaṁ cittasaṁsaṭṭhasamuṭṭhānaṁ dhammaṁ paṭicca naanidassanaappaṭigho nocittasaṁsaṭṭhasamuṭṭhāno dhammo uppajjati hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.
Anidassanaappaṭighaṁ cittasaṁsaṭṭhasamuṭṭhānasahabhuṁ dhammaṁ paṭicca naanidassanaappaṭigho nocittasaṁsaṭṭhasamuṭṭhānasahabhū dhammo uppajjati hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.
Anidassanaappaṭighaṁ cittasaṁsaṭṭhasamuṭṭhānānuparivattiṁ dhammaṁ paṭicca naanidassanaappaṭigho nocittasaṁsaṭṭhasamuṭṭhānānuparivattī dhammo uppajjati hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.