Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.94. Sanidassanattika, Sauttaraduka
Anidassanaappaṭighaṁ sauttaraṁ dhammaṁ paccayā nasanidassanasappaṭigho nasauttaro dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Anidassanaappaṭighaṁ anuttaraṁ dhammaṁ paṭicca naanidassanaappaṭigho naanuttaro dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha.