Paṭṭhānapakaraṇa
Dhammānulomapaccanīya (3), Tikatikapaṭṭhānapāḷi (5)
17.15. Kusalattika, Maggārammaṇattika
Kusalaṁ maggārammaṇaṁ dhammaṁ paṭicca nakusalo namaggārammaṇo dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha.
Kusalaṁ maggahetukaṁ dhammaṁ paṭicca nakusalo namaggahetuko dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.
Kusalaṁ maggādhipatiṁ dhammaṁ paṭicca nakusalo namaggādhipati dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha.