Paṭṭhānapakaraṇa
Dhammānulomapaccanīya (3), Tikatikapaṭṭhānapāḷi (5)
17.29. Sanidassanattika, Vipākattika
Anidassanaappaṭighaṁ vipākaṁ dhammaṁ paṭicca naanidassanaappaṭigho navipāko dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… aññamaññe tīṇi …pe… avigate cha.
Anidassanaappaṭighaṁ vipākadhammadhammaṁ paṭicca naanidassanaappaṭigho navipākadhammadhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha.
Anidassanaappaṭighaṁ nevavipākanavipākadhammadhammaṁ paṭicca nasanidassanasappaṭigho nanevavipākanavipākadhammadhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.