Paṭṭhānapakaraṇa
Dhammānulomapaccanīya (3), Dukadukapaṭṭhānapāḷi (6)
18.4. Hetuduka, Cūḷantaraduka
Nahetu appaccayo dhammo nanahetussa naappaccayassa dhammassa ārammaṇapaccayena paccayo …pe… nahetu appaccayo dhammo nahetussa naappaccayassa dhammassa ārammaṇapaccayena paccayo. Nahetu appaccayo dhammo nahetussa naappaccayassa ca nanahetussa naappaccayassa ca dhammassa ārammaṇapaccayena paccayo. (Saṅkhittaṁ.)
Ārammaṇe adhipatiyā upanissaye tīṇi. (Asaṅkhataṁ appaccayasadisaṁ.)
Nahetu sanidassano dhammo nanahetussa nasanidassanassa dhammassa ārammaṇapaccayena paccayo. Nahetu sanidassano dhammo nahetussa nasanidassanassa dhammassa ārammaṇapaccayena paccayo. Nahetu sanidassano dhammo nahetussa nasanidassanassa ca nanahetussa nasanidassanassa ca dhammassa ārammaṇapaccayena paccayo. (Saṅkhittaṁ.) Ārammaṇe tīṇi, adhipatiyā upanissaye purejāte atthiyā avigate tīṇi.
Hetuṁ anidassanaṁ dhammaṁ paṭicca nahetu naanidassano dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.
Nahetuṁ sappaṭighaṁ dhammaṁ paṭicca nahetu nasappaṭigho dhammo uppajjati hetupaccayā. Hetuyā ekaṁ, adhipatiyā ekaṁ …pe… avigate ekaṁ.
Hetuṁ appaṭighaṁ dhammaṁ paṭicca nahetu naappaṭigho dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… aññamaññe ekaṁ …pe… avigate tīṇi.
Nahetuṁ rūpiṁ dhammaṁ paṭicca nanahetu narūpī dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe tīṇi …pe… avigate tīṇi.
Hetuṁ arūpiṁ dhammaṁ paṭicca nahetu naarūpī dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.
Nahetuṁ lokiyaṁ dhammaṁ paccayā nanahetu nalokiyo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Hetuṁ lokuttaraṁ dhammaṁ paṭicca nahetu nalokuttaro dhammo uppajjati hetupaccayā. Nahetuṁ lokuttaraṁ dhammaṁ paṭicca nahetu nalokuttaro dhammo uppajjati hetupaccayā. Hetuṁ lokuttarañca nahetuṁ lokuttarañca dhammaṁ paṭicca nahetu nalokuttaro dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.
Hetuṁ kenaci viññeyyaṁ dhammaṁ paṭicca nahetu nakenaci viññeyyo dhammo uppajjati hetupaccayā. (Saṅkhittaṁ.) Hetuyā nava …pe… avigate nava.
Hetuṁ nakenaci viññeyyaṁ dhammaṁ paṭicca nahetu nanakenaci viññeyyo dhammo uppajjati hetupaccayā. (Saṅkhittaṁ.) Hetuyā nava …pe… avigate nava.