Paṭṭhānapakaraṇa
Dhammānulomapaccanīya (3), Dukadukapaṭṭhānapāḷi (6)
18.14. Cūḷantaraduka, Hetuduka
Sappaccayaṁ hetuṁ dhammaṁ paṭicca naappaccayo nahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Sappaccayaṁ nahetuṁ dhammaṁ paṭicca naappaccayo nanahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. (Saṅkhataṁ sappaccayasadisaṁ.)
Anidassanaṁ hetuṁ dhammaṁ paṭicca naanidassano nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.
Anidassanaṁ nahetuṁ dhammaṁ paṭicca nasanidassano nanahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Appaṭighaṁ hetuṁ dhammaṁ paṭicca naappaṭigho nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.
Appaṭighaṁ nahetuṁ dhammaṁ paṭicca nasappaṭigho nanahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Arūpiṁ hetuṁ dhammaṁ paṭicca naarūpī nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.
Rūpiṁ nahetuṁ dhammaṁ paṭicca narūpī nanahetu dhammo uppajjati hetupaccayā.
Arūpiṁ nahetuṁ dhammaṁ paṭicca naarūpī nanahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe tīṇi, adhipatiyā ekaṁ …pe… purejāte āsevane ekaṁ …pe… avigate tīṇi.
Lokiyaṁ hetuṁ dhammaṁ paṭicca nalokuttaro nahetu dhammo uppajjati hetupaccayā … ekaṁ.
Lokuttaraṁ hetuṁ dhammaṁ paṭicca nalokuttaro nahetu dhammo uppajjati hetupaccayā … tīṇi. (Saṅkhittaṁ.) Hetuyā cattāri, ārammaṇe dve …pe… avigate cattāri.
Lokiyaṁ nahetuṁ dhammaṁ paṭicca nalokuttaro nanahetu dhammo uppajjati hetupaccayā … ekaṁ.
Lokuttaraṁ nahetuṁ dhammaṁ paṭicca nalokiyo nanahetu dhammo uppajjati hetupaccayā … ekaṁ …. Hetuyā dve …pe… avigate dve.
Kenaci viññeyyaṁ hetuṁ dhammaṁ paṭicca nakenaci viññeyyo nahetu dhammo uppajjati hetupaccayā … tīṇi.
Nakenaci viññeyyaṁ hetuṁ dhammaṁ paṭicca nanakenaci viññeyyo nahetu dhammo uppajjati hetupaccayā … tīṇi.
Kenaci viññeyyaṁ hetuñca nakenaci viññeyyaṁ hetuñca dhammaṁ paṭicca nakenaci viññeyyo nahetu dhammo uppajjati hetupaccayā … tīṇi. (Saṅkhittaṁ.) Hetuyā nava …pe… avigate nava.
Kenaci viññeyyaṁ nahetuṁ dhammaṁ paṭicca nakenaci viññeyyo nanahetu dhammo uppajjati hetupaccayā. (Saṅkhittaṁ.) Hetuyā nava …pe… avigate nava.