Paṭṭhānapakaraṇa
Dhammānulomapaccanīya (3), Dukadukapaṭṭhānapāḷi (6)
18.22. Mahantaraduka, Hetuduka
Sārammaṇaṁ hetuṁ dhammaṁ paṭicca nasārammaṇo nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.
Sārammaṇaṁ nahetuṁ dhammaṁ paṭicca naanārammaṇo nanahetu dhammo uppajjati hetupaccayā. Anārammaṇaṁ nahetuṁ dhammaṁ paṭicca naanārammaṇo nanahetu dhammo uppajjati hetupaccayā. Sārammaṇaṁ nahetuñca anārammaṇaṁ nahetuñca dhammaṁ paṭicca naanārammaṇo nanahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe tīṇi, adhipatiyā ekaṁ …pe… purejāte āsevane ekaṁ …pe… avigate tīṇi.
Nocittaṁ hetuṁ dhammaṁ paṭicca nanocitto nahetu dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Cittaṁ nahetuṁ dhammaṁ paṭicca nocitto nanahetu dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Cetasikaṁ hetuṁ dhammaṁ paṭicca nacetasiko nahetu dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Cetasikaṁ nahetuṁ dhammaṁ paṭicca naacetasiko nanahetu dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Cittasampayuttaṁ hetuṁ dhammaṁ paṭicca nacittasampayutto nahetu dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe ekaṁ …pe… avigate tīṇi.
Cittasaṁsaṭṭhaṁ hetuṁ dhammaṁ paṭicca nacittasaṁsaṭṭho nahetu dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe ekaṁ …pe… avigate tīṇi.
Cittasamuṭṭhānaṁ hetuṁ dhammaṁ paṭicca nocittasamuṭṭhāno nahetu dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi.
Cittasahabhuṁ hetuṁ dhammaṁ paṭicca nocittasahabhū nahetu dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi.
Cittānuparivattiṁ hetuṁ dhammaṁ paṭicca nocittānuparivattī nahetu dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi.
Cittasaṁsaṭṭhasamuṭṭhānaṁ hetuṁ dhammaṁ paṭicca nocittasaṁsaṭṭhasamuṭṭhāno nahetu dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi.
Cittasaṁsaṭṭhasamuṭṭhānasahabhuṁ hetuṁ dhammaṁ paṭicca nocittasaṁsaṭṭhasamuṭṭhānasahabhū nahetu dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi.
Cittasaṁsaṭṭhasamuṭṭhānānuparivattiṁ hetuṁ dhammaṁ paṭicca nocittasaṁsaṭṭhasamuṭṭhānānuparivattī nahetu dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi.
Bāhiraṁ hetuṁ dhammaṁ paṭicca nabāhiro nahetu dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Ajjhattikaṁ nahetuṁ dhammaṁ paṭicca naajjhattiko nanahetu dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Noupādā hetuṁ dhammaṁ paṭicca nanoupādā nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.
Upādā nahetuṁ dhammaṁ paṭicca noupādā nanahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe tīṇi, adhipatiyā ekaṁ …pe… purejāte āsevane ekaṁ …pe… avigate tīṇi.
Upādinnaṁ hetuṁ dhammaṁ paṭicca naupādinno nahetu dhammo uppajjati hetupaccayā … tīṇi.
Anupādinnaṁ hetuṁ dhammaṁ paṭicca naupādinno nahetu dhammo uppajjati hetupaccayā … ekaṁ. (Saṅkhittaṁ.) Hetuyā cattāri, ārammaṇe dve, adhipatiyā ekaṁ …pe… āsevane ekaṁ …pe… vipāke tīṇi …pe… avigate cattāri.
Upādinnaṁ nahetuṁ dhammaṁ paṭicca naanupādinno nanahetu dhammo uppajjati hetupaccayā … ekaṁ.
Anupādinnaṁ nahetuṁ dhammaṁ paṭicca naupādinno nanahetu dhammo uppajjati hetupaccayā … ekaṁ. (Saṅkhittaṁ.) Hetuyā dve, ārammaṇe dve, adhipatiyā ekaṁ …pe… āsevane ekaṁ …pe… vipāke ekaṁ …pe… avigate dve.