Paṭṭhānapakaraṇa
Dhammapaccanīyānuloma (4), Tikapaṭṭhānapāḷi (1)
19.6. Vitakkattika
Nasavitakkasavicāraṁ dhammaṁ paṭicca savitakkasavicāro dhammo uppajjati hetupaccayā. Nasavitakkasavicāraṁ dhammaṁ paṭicca avitakkavicāramatto dhammo uppajjati hetupaccayā. Nasavitakkasavicāraṁ dhammaṁ paṭicca avitakkaavicāro dhammo uppajjati hetupaccayā … satta.
Naavitakkavicāramattaṁ dhammaṁ paṭicca avitakkavicāramatto dhammo uppajjati hetupaccayā … satta.
Naavitakkaavicāraṁ dhammaṁ paṭicca avitakkaavicāro dhammo uppajjati hetupaccayā … satta. (Saṅkhittaṁ.)
Hetuyā ekūnapaññāsa, ārammaṇe tiṁsa, adhipatiyā ekūnatiṁsa …pe… purejāte āsevane ekūnatiṁsa …pe… avigate ekūnapaññāsa.