Paṭṭhānapakaraṇa
Dhammapaccanīyānuloma (4), Tikapaṭṭhānapāḷi (1)
19.8. Dassanattika
Nadassanena pahātabbaṁ dhammaṁ paṭicca bhāvanāya pahātabbo dhammo uppajjati hetupaccayā. Nadassanena pahātabbaṁ dhammaṁ paṭicca nevadassanena nabhāvanāya pahātabbo dhammo uppajjati hetupaccayā. Nadassanena pahātabbaṁ dhammaṁ paṭicca bhāvanāya pahātabbo ca nevadassanena nabhāvanāya pahātabbo ca dhammā uppajjanti hetupaccayā … tīṇi.
Nabhāvanāya pahātabbaṁ dhammaṁ paṭicca dassanena pahātabbo dhammo uppajjati hetupaccayā. Nabhāvanāya pahātabbaṁ dhammaṁ paṭicca nevadassanena nabhāvanāya pahātabbo dhammo uppajjati hetupaccayā. Nabhāvanāya pahātabbaṁ dhammaṁ paṭicca dassanena pahātabbo ca nevadassanena nabhāvanāya pahātabbo ca dhammā uppajjanti hetupaccayā … tīṇi.
Nanevadassanena nabhāvanāya pahātabbaṁ dhammaṁ paṭicca nevadassanena nabhāvanāya pahātabbo dhammo uppajjati hetupaccayā. Nanevadassanena nabhāvanāya pahātabbaṁ dhammaṁ paṭicca dassanena pahātabbo dhammo uppajjati hetupaccayā … pañca. (Saṅkhittaṁ.)
Hetuyā aṭṭhārasa, ārammaṇe nava …pe… vipāke tīṇi …pe… avigate aṭṭhārasa.