Paṭṭhānapakaraṇa
Dhammapaccanīyānuloma (4), Dukapaṭṭhānapāḷi (2)
20.4. Saññojanādichagocchaka
Nasaññojanaṁ dhammaṁ paṭicca saññojano dhammo uppajjati hetupaccayā …pe….
Naganthaṁ dhammaṁ paṭicca gantho dhammo uppajjati hetupaccayā …pe….
Naoghaṁ dhammaṁ paṭicca ogho dhammo uppajjati hetupaccayā …pe….
Nayogaṁ dhammaṁ paṭicca yogo dhammo uppajjati hetupaccayā …pe….
Nanīvaraṇaṁ dhammaṁ paṭicca nīvaraṇo dhammo uppajjati hetupaccayā. (Saṅkhittaṁ.)
Hetuyā nava …pe… vipāke ekaṁ …pe… avigate nava.
Naparāmāsaṁ dhammaṁ paṭicca parāmāso dhammo uppajjati hetupaccayā. (Saṅkhittaṁ.)
Hetuyā pañca …pe… vipāke ekaṁ …pe… avigate pañca. (Saṅkhittaṁ.)